၁။        သင်ရိုးညွှန်းတမ်း

            သင်ခန်းစာ Video ၊ မေးခွန်းများနှင့် လေ့ကျင့်ရေးစာအုပ်များသည် T & H Maths Centre ၏ ကိုယ်ပိုင် သင်ရိုး ညွှန်းတမ်းမှ ထုတ်နှုတ်ထားသောကြောင့် တဆင့်ပြန်လည်ကူးယူခြင်း၊ ဝေမျှခြင်း၊ ရောင်းချခြင်းနှင့် မိမိအကျိုးစီးပွား အတွက် အသုံးပြုခြင်းအား လုံးဝ ခွင့်မပြုပါ။

၂။         ပိတ်ရက်များ

            T & H Maths Centre သည် အပတ်စဉ် တနင်္လာနေ့ ၊ အများပြည်သူရုံးပိတ်ရက်များ၊ Olympiad Exam (နေ့ရက်ကို အသေးစိတ် ကြေငြာပါမည်)များနှင့် Team Break များကို သင်တန်းပိတ်မည် ဖြစ်ပြီး ထိုပိတ်ရက်များ အတွက် ငွေကြေးကောက်ခံထားခြင်းမရှိပါ။ ထို့ကြောင့် အဆိုပါပိတ်ရက်များအတွက် သင်တန်းချိန် ပြန်လည်အစားထိုး ပေးမည်မဟုတ်ပါ။

၃။        သတင်းအချက်အလက်ကဏ္ဍ

(က)      T & H Maths Centre ၏ သတင်းအချက်အလက်များကို Viber Channel, SMS နှင့် FB Page များတွင်သာ ကြေငြာပေးခြင်း ပြုလုပ်ပေးပြီး ဖုန်းဖြင့် သီးသန့်ဆက်သွယ်ပေးမည် မဟုတ်ပါ။

(ခ)        ကျောင်းအပ်နှံစဉ်တွင် အုပ်ထိန်းသူ၏ဖုန်းနံပါတ်ကိုသာ ထည့်သွင်းပေးရမည်ဖြစ်ပြီး ဖြည့်ထားသော Data မှားယွင်းမှုကြောင့် ဆက်သွယ်၍မရပါက T & H Maths Centre မှ တာဝန်ယူမည် မဟုတ်ပါ။

၄။        အတန်းနှင့် သင်တန်းချိန်

(က)      မိဘများအနေဖြင့် Placement Test Result အရ ကျောင်းသားများအတွက် အတည်ပြုရွေးချယ် ထားသည့် အတန်းအမျိုးအစား (Class Type)၊ အတန်း (Grade) နှင့် အချိန် (Session) အတိုင်းသာ တက်ရောက်ရမည် ဖြစ်ပါသည်။ အတန်းအား ပြန်လည်ပြောင်းရွှေ့ပေးမည် မဟုတ်ပါ။

(ခ)        စာသင်ချိန်တွင် ကျောင်းသားတစ်ဦးလျှင် Zoom Account တစ်ခုဖြင့်သာ အသုံးပြုရပါမည်။ Online Class များတွင် သင်တန်းတက်ရောက်

ရမည့်အချိန်နှင့် ဝင်ရောက်ရမည့် Zoom Link ကို School Management System Application (SMS App)နှင့် Viber Group ၌ ကြို

တင် ပေးထားမည် ဖြစ်ပါသည်။

(ဂ)       ကျောင်းသားများသည် သင်တန်းချိန်မစမီ (၁ဝ)မိနစ်အလိုတွင် စာသင်ကြားရန် Zoom Room ၌ အသင့်ဖြစ် နေရပါမည်။

(ဃ)      သင်တန်းပထမဦးဆုံးရက်တွင်သာ သင်တန်းချိန်အမှီရောက်မလာသော ကျောင်းသားများကို Student Affais Department မှ ဆက်သွယ်

ပေးမည်ဖြစ်ပြီး ကျန်ရက်များသည် ကျောင်းသားများ၏ တာဝန် ဖြစ်ပါသောကြောင့် ကျောင်းဘက်မှ ဆက်သွယ်ပေးမည်မဟုတ်ပါ။

(င)        သင်ကြားမည့်ဆရာမမှ သင်တန်းချိန်ပြီးဆုံးကြောင်း ကြေညာမှသာ Zoom Link မှ ထွက်ခွာရမည် ဖြစ်ပါ သည်။ ကျောင်းသားများ နားမလည်သော သင်ခန်းစာများကို မေးမြန်းနိုင်ရန်အတွက် သင်တန်းမစမီ သို့မဟုတ် သင်တန်းပြီးဆုံးချိန်တွင် ဆရာမဘက်မှ အဆင်ပြေမည့် အချိန် (၁၅) မိနစ် ခွင့်ပြုထားပါသည်။ မိဘများအနေဖြင့် ဆရာ/ဆရာမများ၏ ကိုယ်ပိုင်အချိန် (စာသင်ချိန် ပြင်ပ)တွင် ဆက်သွယ်မေးမြန်းခွင့်မပြုပါ။

၅။        ကျောင်းအပ်လက်ခံခြင်းနှင့် သင်တန်းကြေး

(က)      School Management System Application (SMS App)ဖြင့် သင်တန်းအပ်ချိန်တွင် ကျောင်းလခ ပေးသွင်း ခြင်းလုပ်ငန်းစဉ်ကို ပြီးဆုံးအောင်လုပ်ဆောင်ပေးရန် လိုအပ်ပါသည်။ ထိုလုပ်ငန်းစဉ် မပြီးဆုံးပါက မိမိ ရွေးချယ်ထားသော အတန်းချိန်အတိုင်း တက်ရောက်ခွင့်ကို ဆုံးရှုံးမည် ဖြစ်ပါ သည်။

(ခ)        T & H နဲ့ မသက်ဆိုင်သော Bank Account များဖြင့် သင်တန်းကြေး မှားလွှဲမိခြင်းများ ရှိခဲ့ပါက T & H Maths Centre ဘက်မှ တာဝန်ယူ ဖြေရှင်းပေးနိုင်မည် မဟုတ်သောကြောင့် T & H SMS Application ဖြင့်သာ သင်တန်းကြေး ပေးသွင်းကြရပါမည်။

(ဂ)       သင်တန်းကို ဆက်လက်တက်ရောက်ခြင်းမပြုနိုင်ပါက ကြိုတင်ပေးသွင်းထားသော သင်တန်းကြေးကို ပြန်လည်ထုတ်ပေးခြင်း၊ အခြားကျောင်းသားဖြင့် အစားထိုးပေးခြင်း၊ အခြားအတန်း/Batch များအတွက် အစားထိုးပေးခြင်း ပြုလုပ်ပေးမည် မဟုတ်ပါ။

၆။        လေ့ကျင့်ခန်းစာအုပ်ထုတ်ပေးခြင်း၊ လေ့ကျင့်ခြင်းနှင့် စာမေးမြန်းခြင်း

(က)      လေ့ကျင့်ခန်းစာအုပ်များကို School Management System Application (SMS App)တွင် မိဘများ ဖြည့်စွက်ထားသော လိပ်စာများသို့ သင်တန်းစဖွင့်မည့်ရက်မတိုင်မီ ပို့ဆောင်ပေးသွားမည် ဖြစ်ပါသည်။ ပို့ဆောင်ချိန်တွင် မိမိတို့ဖြည့်စွက်ထားသော လိပ်စာမဟုတ်ဘဲ လိပ်စာပြောင်းခြင်း ထပ်မံပြုလုပ်မည်ဆိုပါက ပြောင်းလဲခအတွက် (၅,ဝဝဝိ/-)ကျပ် ထပ်မံပေးသွင်းရမည် ဖြစ်ပါသည်။

(ခ)        Delivery Company မှ သတ်မှတ်ထားသော ပို့ဆောင်ရက်အတွင်း ဖုန်းဆက်သွယ်မရခြင်း၊ ပစ္စည်းလက်ခံ မည့်သူ မရှိခြင်းများကြောင့်

စာအုပ်များ Reject အနေဖြင့် ရုံးချုပ်သို့ ပြန်လည်ရောက်ရှိ လာပါက ထပ်မံ ပေးပို့ရခြင်းအတွက် Delivery Fee ကို သတ်မှတ်နှုန်းထား

အတိုင်း မိဘများမှ ကျခံပေးရမည် ဖြစ်သည်။

(ဂ)       ကျောင်းမှ ထုတ်ဝေပေးထားသော လေ့ကျင့်ခန်းစာအုပ်များ အကြောင်းအမျိုးမျိုးကြောင့် ပျက်စီး/ ပျောက်ဆုံး သွားပါက အတန်း 

(Grade)တစ်ခုစာအတွက် ကျောင်းမှသတ်မှတ်ထားသော စာအုပ် ဈေးနှုန်းအတိုင်း အသစ် ထပ်မံဝယ်ယူရမည်ဖြစ်ပြီး Delivery Fee ကို မိ

ဘများဘက်မှ ကျခံရမည် ဖြစ်သည်။

(ဃ)      ကျောင်းသားများမှ Online Class များတွင် သင်ကြားသွားသော လေ့ကျင့်ခန်းများနှင့် အတန်းပိုင် ဆရာမမှ ပေးသော အိမ်စာများကို 

Learning Management System (LMS)တွင် သတ်မှတ်ရက် အတွင်း ပြုလုပ်ရမည် ဖြစ်ပါသည်။

၇။        ခွင့်တိုင်ကြားခြင်း

            သင်တန်းမတက်ရောက်နိုင်သော ကျောင်းသားများသည် သက်ဆိုင်ရာ Viber Group နှင့် Grade Student Affairs များထံ ဖုန်း (သို့

မဟုတ်) Viber ဖြင့် ခွင့်တိုင်ကြားမှသာ သင်ခန်းစာ Video ကို Learning Management System (LMS)မှတဆင့် Link ပေးပို့ပေးသွား

မည် ဖြစ်ပါသည်။ ခွင့်တိုင်ကြားခြင်းမရှိသော ကျောင်းသားများအတွက် Video Link ပေးပို့မည် မဟုတ်ပါ။ စာသင်ကာလအတွင်း (၅)ချိန် 

ထက်ပိုသော ခွင့်တိုင်ကြားခြင်းများအတွက် သင်ခန်းစာ Video များ လုံးဝ(လုံးဝ) ပြန်လည်ပေးပို့မည်မဟုတ်ပါ။

၈။        Learning Management System (LMS) ဖြင့် Assessment ဖြေဆိုခြင်း

(က)      သတ်မှတ်စာသင်ကာလတစ်ခုစီတွင် Assessment များကို ဖြေဆိုအောင်မြင်မှသာ အတန်းပြီးဆုံးကြောင်း လက်မှတ် (Softcopy)ကို ရရှိ

မည်ဖြစ်ပြီး  မဖြေဆိုခဲ့လျှင် (သို့) ဖြေဆိုခဲ့သော်လည်း ၄ဝ ရာခိုင်နှုန်း မပြည့်မီ ခဲ့လျှင် အတန်း တက်ရောက်ကြောင်း လက်မှတ်သာပေးမည် 

ဖြစ်သည်။

(ခ)        Assessment တစ်ခု ဖြေဆိုပြီးသည့်အချိန်တိုင်း Report Card (Softcopy)များကို မိမိ၏ LMS Account တွင် Download ရယူနိုင်ပါသည်။

(ဂ)       Grade အလိုက် ဖြေဆိုခဲ့ပြီးသော Assessments များပေါ်မူတည်၍ Assessement 1 & 2 တွင် မအောင်မြင် ခဲ့ပါက နောက်ဆက်လက် 

တက်ရောက်မည့်အတန်းများအတွက် မိဘများအနေဖြင့် အောက်ပါအတိုင်း ရွေးချယ်ခွင့် ရှိမည်ဖြစ်သည်။

            Academic Regular Online တွင် တက်ရောက်နေပါက

            (၁)     Academic Special Online အတန်းတွင် တစ်ဆင့်မြင့်သော Grade ဖြင့် ပြောင်းလဲအပ်နှံနိုင်မည် ဖြစ်သည်။

            (၂)     Special အတန်းကို ပြောင်းလဲတက်ရောက်ခြင်း မပြုလိုလျှင် လက်ရှိတက်ရောက်နေသော Grade ကိုသာ ပြန်လည်တက်ရောက်ပေးရမည် ဖြစ်သည်။

            Academic Special Online တွင် တက်ရောက်နေပါက

            (၁)     Special အတန်း၌ လက်ရှိတက်ရောက်နေသော Grade ကိုသာ ပြန်လည်တက်ရောက်ရမည်ဖြစ်သည်။

                        အထက်ဖော်ပြပါ အချက်များကို သိရှိလိုက်နာနိုင်မှသာလျှင် T & H Maths Centre ၏ သင်ကြားမှု စနစ်အတိုင်း ဆက်လက်တက်ရောက်သင်ကြားခွင့် ရရှိမည်ဖြစ်ကြောင်း လေးစားစွာဖြင့် ကြိုတင်အသိပေး အကြောင်းကြားအပ်ပါသည်။

     ***   အထက်ပါစည်းကမ်းချက်များကို လိုအပ်သည်ဟု ကျောင်းဘက်မှ သုံးသပ်တွေ့ရှိရပါက အချက်အလက်များ အားလုံးကိုဖြစ်စေ၊ တစ်စိတ်တစ်ပိုင်းကိုဖြစ်စေ ပြင်ဆင်ဖြည့်စွက်သတ်မှတ်သွားမည် ဖြစ်သည်။ အခါအား လျော်စွာ ထုတ်ပြန်သော စည်းကမ်းချက်များကို မိဘများနှင့် ကျောင်းသား/သူများအားလုံး မပျက်မကွက် လိုက်နာပေးရပါမည်။

                                                                                                             T & H Maths Centre